прокимен глас 6 спаси господи люди твоя
Паримии во Вторник вторыя седмицы Великого поста.
На шестом часе.
Тропа́рь проро́чества, глас 6:
Досто́йно воспе́ти Тя не мо́жем, но про́сим моля́щеся: не погуби́ нас со беззако́ньми на́шими, благопремени́телю Го́споди.
Слава, и ныне: тойже.
Проки́мен, глас 4: Го́споди, возлюби́х благоле́пие до́му Твоего́, / и ме́сто селе́ния сла́вы Твоея́.
Стих: Суди́ ми, Го́споди, я́ко аз незло́бою мое́ю ходи́х.
Проро́чества Иса́иина чте́ние.
Та́ко глаго́лет Госпо́дь: виногра́д Го́спода Савао́фа дом Изра́илев есть, и челове́к Иу́дин, но́вый сад возлю́бленный. Ждах, да сотвори́т суд, сотвори́ же беззако́ние и непра́вду, но вопль. Го́ре совокупля́ющим дом к до́му, и село́ к селу́ приближа́ющим, да бли́жнему оты́мут что, еда́ вселите́ся еди́ни на земли́? Услы́шашася бо во ушеса́х Го́спода Савао́фа сия́: а́ще бо бу́дут до́мове мно́зи, в запусте́ние бу́дут вели́ции и до́брии, и не бу́дут живу́щии в них. Иде́же бо возорю́т де́сять супру́г воло́в, сотвори́т корча́г еди́н, и се́яй артава́с шесть, сотвори́т ме́ры три. Го́ре востаю́щим зау́тра, и сике́р гоня́щим, жду́щим ве́чера, вино́ бо сожже́т я́. С гу́сльми бо и певни́цами, и тимпа́ны, и свире́льми вино́ пию́т, на дела́ же Госпо́дня не взира́ют, и дел руку́ Его́ не помышля́ют. У́бо плене́ни бы́ша лю́дие Мои́, за е́же не ве́дети им Го́спода, и мно́жество бысть ме́ртвых гла́да ра́ди, и жа́жды водны́я. И разшири́ ад ду́шу свою́, и разве́рзе уста́ своя́, е́же не преста́ти. И сни́дут сла́внии, и вели́ции, и бога́тии, и губи́тели их, и веселя́йся в нем. И смири́тся челове́к, и обезче́стится муж, и о́чи высокогля́дающии смиря́тся. И вознесе́тся Госпо́дь Савао́ф в суде́, и Бог Святы́й просла́вится в пра́вде.
Проки́мен, глас 3: Госпо́дь просвеще́ние мое́ и Спаси́тель мой, / кого́ убою́ся?
Стих: Госпо́дь защи́титель живота́ моего́, от кого́ устрашу́ся?
Вторник вторыя седмицы на вечерни.
Проки́мен, глас 6: Спаси́, Го́споди, лю́ди Твоя́, / и благослови́ достоя́ние Твое́.
Стих: К Тебе́, Го́споди, воззову́, Бо́же мой.
1. Бытия́ чте́ние.
Рече́ Ка́ин ко А́велю бра́ту своему́: по́йдем на по́ле. И бысть внегда́ бы́ти им на по́ли, воста́ Ка́ин на А́веля, бра́та своего́, и уби́ его́. И рече́ Госпо́дь Бог ко Ка́ину: где есть А́вель, брат твой? И рече́: не вем; еда́ страж бра́ту моему́ есмь аз? И рече́ Госпо́дь: что сотвори́л еси́ сие́? Глас кро́ве бра́та твоего́ вопие́т ко Мне от земли́. И ны́не про́клят ты на земли́, я́же разве́рзе уста́ своя́, прия́ти кровь бра́та твоего́ от руки́ твоея́. Егда́ де́лаеши зе́млю, и не приложи́т си́лы своея́ да́ти тебе́: стеня́й и трясы́йся бу́деши на земли́. И рече́ Ка́ин ко Го́споду Бо́гу: вя́щшая вина́ моя́, е́же оста́витися ми. А́ще изго́ниши мя днесь от лица́ земли́, и от лица́ Твоего́ скры́юся, и бу́ду стеня́ и трясы́йся на земли́, и бу́дет всяк обрета́яй мя, убие́т мя. И рече́ ему́ Госпо́дь Бог: не та́ко, всяк уби́вый Ка́ина, седми́жды отмсти́тся. И положи́ Госпо́дь Бог зна́мение на Ка́ине, е́же не уби́ти его́ вся́кому обрета́ющему его́.
Проки́мен, глас 7: Госпо́дь кре́пость лю́дем Свои́м даст, / Госпо́дь благослови́т лю́ди Своя́ ми́ром.
Стих: Принеси́те Го́сподеви, сы́нове Бо́жии, принеси́те Го́сподеви, сы́ны о́вни.
2. При́тчей чте́ние.
Сы́не, мое́й прему́дрости внима́й, к мои́м же словесе́м прилага́й у́хо твое́. Да сохрани́ши мысль благу́ю; чу́вство же мои́х усте́н запове́дает тебе́. Не внима́й злей жене́: мед бо ка́плет от усте́н жены́ блудни́цы, я́же на вре́мя наслажда́ет твой горта́нь. Последи́ же горча́е же́лчи обря́щеши, и изощре́ну па́че меча́ обою́ду остра́. Безу́мия бо но́зе низво́дят употребля́ющих ю́ со сме́ртию во ад, стопы́ же ея́ не утвержда́ются. На пути́ бо живо́тныя не нахо́дит, заблужде́нна же тече́ния ея́ и неблагоразу́мна. Ны́не у́бо сы́не, послу́шай мене́, и не отринове́нна сотвори́ моя́ словеса́. Дале́че от нея́ сотвори́ путь твой, и не прибли́жися к две́рем домо́в ея́. Да не преда́ст ины́м живота́ твоего́, и твоего́ жития́ не ми́лостивным. Да не насы́тятся ини́и твоея́ кре́пости, твои́ же труды́ в до́мы чужды́я вни́дут. И раска́ешися на после́док твой, егда́ истру́тся пло́ти те́ла твоего́, и рече́ши: ка́ко возненави́дех наказа́ние, и от обличе́ний уклони́ся се́рдце мое́? Не послу́шах гла́са наказу́ющаго мя, и ко уча́щему мя не прилага́х у́ха моего́. Вма́ле бех во вся́ком зле посреде́ це́ркве и со́нмища. Сы́не, пий во́ды от твои́х сосу́дов, и от твои́х кладенце́в исто́чника.
ПРОКИМНЫ
Прокимном ( προκλετμενον ) называется краткий стих, предшествующий чтению из Священного Писания – паремиям, Апостолу и Евангелию. Если же за прокимном не следует это чтение (например, на непраздничной вечерне, когда оно не положено), то в этом случае наименование прокимна (предваряющего стиха) указывает на его назначение напоминать о необходимости для всех поучаться в Слове Божием, если не в храме, то дома. Прокимен обыкновенно берется из стихов псалма и называется в Служебнике псалмом Давидовым, – но в Богородичные праздники прокимном на литургии служит песнь Богородицы: Величит душа моя Господа, и возрадовася дух мой о Бозе Спасе моем. За прокимном всегда произносится стих, который составляет его продолжение и обыкновенно берется из одного с ним псалма. Есть прокимны, которые берутся из псалмов без всякого применения к церковному дню. Это прокимны перед паремиями на 6 часе и на вечерне Великого поста – они берутся из псалтири по порядку псалмов и распределяются на все дни Великого поста. Обыкновенно же прокимны избираются применительно к суточному и праздничному богослужению, это прокимны на литургии перед чтением Апостола. Одни из них называются прокимнами дне, т.е. соответствующими особенностям службы каждого дня седмицы; другие – прокимнами Апостола, т.е. примененными к содержанию апостольского чтения, которое само соответствует празднику.
Прокимны дня
В понедельник особенность службы составляет прославление бесплотных Сил, и потому прокимен положен следующий: Творяй Ангелы Своя духи, и слуги Своя пламень огненный ( Пс. 103: 4 ). Господь сотворил Ангелов Своих быстротечными, как ветры (духи), готовыми с быстротой ветра являться повсюду по слову Творца для исполнения Его повелений, и вместе светлыми и грозными, как пламень огня. Стих за прокимном: Благослови душе моя Господа. Господи, Боже мой, возвеличился еси зело.
Во вторник совершается служба в честь величайшего из праведников, святого Иоанна Предтечи и Крестителя Господня, поэтому прокимен положен следующий: Возвеселится праведник о Господе и уповает на Него ( Пс. 63, 11 ), т.е. праведник от полноты благодарного сердца радуется перед Господом, услышавшим его молитву, и уверен, что Господь и впредь не оставит его Своей милостью. Стих: Услыши, Боже, глас мой, внегда молитимися к Тебе. Этими словами выражается упование праведника на Господа.
В среду служба совершается в честь Честного и Животворящего Креста Господня и Пресвятой Богоматери. Слова прокимна взяты из песни Богородицы: Величит душа моя Господа, и возрадовася дух мой о Бозе Спасе моем. Стих: Яко призре на смирение рабы своея, се бо от ныне ублажат Мя вси роди ( Лк. 1, 46–48 ). Этими словами Дева Мария с сердечным восторгом славословит Господа, который из глубины внешнего уничижения (смирения) возвел Ее на такую высоту славы, что отныне все народы будут Ее ублажать, как Богоматерь.
В субботу служба всем святым, достигшим упокоения в Господе и радующимся пред Лицем Его. Поэтому прокимен: Веселитеся о Господе и радуйтеся праведнии ( Пс. 31, 11 ). Стих: Блажени, ихже оставишася беззакония, и их же прикрышася греси.
В воскресный день совершается служба во славу Воскресшего Господа. Прокимны изменяются по гласам и в той или иной степени отражают празднуемое событие воскресения Христова.
1-й глас. Прокимен: Буди милость Твоя на нас, якоже уповахом на Тя ( Пс. 32, 22 ). Стих: Радуйтеся праведнии о Господе, правым подобает похвала. «С радостью прославляйте Господа, истинные Его почитатели: кому, как не вам, прославлять Его? Только ваши хвалы и жертвы угодны Ему, тогда как молитва нечестивых возбуждает в Нем отвращение. Уклоняяй ухо свое не послушати закона, сам молитву свою омерзил ( Притч. 28, 9 ). Их всесожжения, их кадило, их празднования, их посты ненугодны Господу ( Ис. 1, 11–14 )». Итак, празднующие воскресение Христово предостерегаются псаломским стихом, следующим за прокимном, от празднования неугодного Богу.
2-й глас. Прокимен: Kрепость моя и пение мое Господь, и бысть мне во спасение ( Пс. 117, 14 ). Стих: Наказуя наказа мя Господь, смерти же не предаде мя. Эти слова прокимна и стиха Церковь влагает в уста Самого воскресшего Христа, который прославляет Бога Отца за спасение от смерти, претерпенной Им в наказание не за Свои грехи, – ибо Он безгрешен, – а за грехи людей.
3-й глас. Прокимен: Пойте Богу нашему, пойте, пойте Цареви нашему, пойте ( Пс. 46, 7 ). Стих: Вси язы́цы восплещите руками, воскликните Богу гласом радования. Теми и другими словами весьма благоприлично выражается радость о воскресении Христа, спасительном для всех народов, и о Его благотворной для всех царственной власти, достигнутой Им по Своему человечеству через воскресение.
4-й глас. Прокимен: Яко возвеличишася де ла Твоя Господи! Вся премудростию сотворил еси ( Пс. 103, 2 ). Стих: Благослови душе моя Господа, Господи Боже мой, возвеличился еси зело. Псалмопевец в обоих стихах изливает чувства изумления и благоговения перед мудрым, всеблагим и всемогущим Творцом мира. Но те же слова пригодны для выражения нашей благоговейной радости о нашем воссоздании через воскресение Христово.
5-й глас. Прокимен: Ты, Господи, сохрани ши ны и соблюдеши ны от рода сего и во век ( Пс. 11, 8 ). «Сохрани нас Господи в безопасности от нечестивых и злонамеренных людей современного нам и грядущих (во век) поколений». Стих: Спаси мя Господи, яко оскуде преподобный. «Не стало праведных и честных людей». Празднующие день воскресения Христова могут употреблять оба псаломские стиха в следующем смысле: «Как Сам Ты, Господи, воскресением Твоим восторжествовал над кознями врагов Твоих, так и нас Твоей всемогущей силой избавь от погибели, угрожающей нам от искушений со стороны мира сего».
7-й глас. Прокимен: Господь крепость людям Своим даст, Господь благословит людей Своих миром ( Пс. 28, 11 ). В применении к воскресению Христову слово миром напоминает тот мир, который Христос преподал Своим ученикам, явившись им после Своего воскресения. Стих: Принесите Господеви, сынове Божии, принеси те Господеви сыны овни. Этим стихом сыны Израилевы приглашаются принести Богу вещественную жертву из овнов, в знак благоговения перед явлением Его всемогущества и благости в видимой природе; а сыны Божии во Христе Иисусе – жертву духовную, жертву хвалы, как проявившему Свою Божественную славу в воскресении из мертвых.
8-й глас. Прокимен: Помолитеся и воздади те Господеви Богу нашему ( Пс. 75, 12 ). «Возносите к Богу мольбы о ниспослании милостей, а за полученные милости воздавайте Ему благодарностью». Стих: Ведом во Иудеи Бог, во Израили велие имя Его. Истинный Бог, не оставляющий Себя сокрытым для всех народов, даже неведующих Его, преимущественно открывает Свою славу перед Его почитателями: в Ветхом Завете – израильтянам, в Новом Завете – христианам. Особенно ведом Он последним во Христе Иисусе, оживотворившем нас через Свое воскресение из мертвых.
Прокимны Апостола
В прокимнах Апостола еще больше заметна применимость к свойству праздника, чем в прокимнах дня к особенностям дневных служб. Представим два примера.
В праздник Вознесения Господня прокимен: Вознесися на Небеса Боже, и по всей земле слава Твоя ( Пс. 56, 6 ). Слава Божия состоит и в защите угнетенных ( Ис. 65, 5 ). Псалмопевец просит Бога, чтобы Он показал эту славу перед лицом неба и земли, спасая его и подобных ему от врагов. Словами псалмопевца и мы просим вознесшегося на небо, сидящего одесную Бога Отца, нашего Спасителя, чтобы Он не переставал с высоты Своей святости защищать основанную Им Церковь от ее врагов и в торжестве над ними являть Свою славу. Стих: Готово сердце мое Боже, готово сердце мое, воспой и пой во славе моей. «Уверенность в Твоем, Господи, покровительстве делает мое сердце твердым и мужественным в борьбе с моими врагами, так что в виду их я готов весело петь перед Тобой и прославлять Тебя псалтирью и гуслями».
Эти же слова входят в состав антифонов Шестидесятницы (см. выше).
См. об этих же псаломских стихах выше: об антифонах.
Прокимны и аллилуиарии воскресные
Глас 1
Прокимен: Бу́ди, Го́споди, ми́лость Твоя́ на нас, / я́коже упова́хом на Тя.
Перевод: Да будет, Господи, милость Твоя на нас, / как мы уповаем на Тебя ( Пс.32:22 ).
Стих: Ра́дуйтеся, пра́веднии, о Го́споде, пра́вым подоба́ет похвала́.
Перевод: Радуйтесь, праведные, о Господе – правым подобает хвала ( Пс.32:1 ).
Аллилуиа: Бог дая́й отмще́ние мне и покори́вый лю́ди под мя.
Перевод: Бог совершает мщение за меня и покоряет народы мне ( Пс.17:48 ).
Стих: Велича́яй спасе́ния царе́ва и творя́й ми́лость христу́ Своему́ Дави́ду и се́мени его́ до ве́ка.
Перевод: Величественно спасает царя и творит милость помазаннику Своему Давиду и семени его навеки ( Пс.17:51 ).
Глас 2
Прокимен: Кре́пость моя́ и пе́ние мое́ Госпо́дь, / и бысть мне во спасе́ние.
Перевод: Крепость моя и пение моё Господь, / и Он мне во спасение ( Пс.117:14 ).
Стих: Наказу́я наказа́ мя Госпо́дь, сме́рти же не предаде́ мя.
Перевод: Наставляя, наказал меня Господь, смерти же не предал меня ( Пс.117:18 ).
Аллилуиа: Услы́шит тя Госпо́дь в день печа́ли, защи́тит тя и́мя Бо́га Иа́ковля.
Перевод: Да услышит тебя Господь в день печали, да защитит тебя имя Бога Иакова ( Пс.19:2 ).
Стих: Го́споди, спаси́ царя́ и услы́ши ны, во́ньже а́ще день призове́м Тя.
Перевод: Господи, спаси царя и услышь нас в день, когда мы призовём Тебя ( Пс.19:10 ).
Глас 3
Прокимен: По́йте Бо́гу на́шему, по́йте, / по́йте Царе́ви на́шему, по́йте.
Перевод: Пойте Богу нашему, пойте, / пойте Царю нашему, пойте. ( Пс.46:7 ).
Стих: Вси язы́цы, восплещи́те рука́ми, воскли́кните Бо́гу гла́сом ра́дования.
Перевод: Все народы, рукоплещите, воскликните Богу гласом радости ( Пс.46:2 ).
Аллилуиа: На Тя, Го́споди, упова́х, да не постыжу́ся во век.
Перевод: На Тебя, Господи, я уповаю, да не постыжусь вовек ( Пс.30:2 ).
Стих: Бу́ди ми в Бо́га Защи́тителя и в дом прибе́жища, е́же спасти́ мя.
Перевод: Стань для меня Богом-Защитником и домом прибежища, чтобы спасти меня ( Пс.30:3 ).
Глас 4
Прокимен: Я́ко возвели́чишася дела́ Твоя́, Го́споди, / вся прему́дростию сотвори́л еси́.
Перевод: Как величественны дела Твои, Господи, / всё премудростью Ты сотворил ( Пс.103:24 ).
Стих: Благослови́, душе́ моя́, Го́спода, Го́споди Бо́же мой, возвели́чился еси́ зело́.
Перевод: Благословляй, душа моя, Господа! Господи Боже мой, возвеличен Ты весьма ( Пс.103:1 ).
Аллилуиа: Наляцы́ и успева́й, и ца́рствуй, и́стины ра́ди и кро́тости, и пра́вды.
Перевод: Укрепись, и процветай, и царствуй ради истины, и кротости, и правды ( Пс.44:5 ).
Стих: Возлюби́л еси́ пра́вду и возненави́дел еси́ беззако́ние.
Перевод: Ты возлюбил правду и возненавидел беззаконие ( Пс.44:8 ).
Глас 5
Прокимен: Ты, Го́споди, сохрани́ши ны / и соблюде́ши ны от ро́да сего́ и во век.
Перевод: Ты, Господи, сохранишь нас и сбережёшь нас / от рода сего и вовек ( Пс.11:8 ).
Стих: Спаси́ мя, Го́споди, я́ко оскуде́ преподо́бный.
Перевод: Спаси меня, Господи, ибо не стало праведного ( Пс.11:2 ).
Аллилуиа: Ми́лости Твоя́, Го́споди, во век воспою́, в род и род возвещу́ и́стину Твою́ усты́ мои́ми.
Перевод: Милости Твои, Господи, вовек буду петь, в род и род возвещу истину Твою устами моими ( Пс.88:2 )
Стих: Зане́ рекл еси́: во век ми́лость сози́ждется, на небесе́х угото́вится и́стина Твоя́.
Перевод: Ибо Ты сказал: «Навек будет основана милость», – на небесах утвердится истина Твоя ( Пс.88:3 )
Глас 6
Прокимен: Спаси́, Го́споди, лю́ди Твоя́ / и благослови́ достоя́ние Твое́.
Перевод: Спаси, Господи, народ Твой / и благослови наследие Твоё ( Пс.27:9 ).
Стих: К Тебе́, Го́споди, воззову́, Бо́же мой, да не премолчи́ши от Мене́.
Перевод: К Тебе, Господи, я воззову. Боже мой, не промолчи, презрев меня ( Пс.27:1 ).
Аллилуиа: Живы́й в по́мощи Вы́шняго, в кро́ве Бо́га Небе́снаго водвори́тся.
Перевод: Живущий помощью Всевышнего под кровом Бога небесного водворится ( Пс.90:1 ).
Стих: Рече́т Го́сподеви: Засту́пник мой еси́ и Прибе́жище мое́, Бог мой, и упова́ю на Него́.
Перевод: Скажет Господу: «Заступник мой Ты и прибежище моё, Бог мой и уповаю на Него» ( Пс.90:2 ).
Глас 7
Прокимен: Госпо́дь кре́пость лю́дем Свои́м даст, / Госпо́дь благослови́т лю́ди Своя́ ми́ром.
Перевод: Господь силу народу Своему даст, / Господь благословит народ Свой миром ( Пс.28:11 ).
Стих: Принеси́те Го́сподеви сы́нове Бо́жии, принеси́те Го́сподеви сы́ны о́вни.
Перевод: Принесите Господу, сыны Божии, принесите Господу молодых овнов ( Пс.28:1 ).
Аллилуиа: Бла́го есть испове́датися Го́сподеви и пе́ти И́мени Твоему́, Вы́шний.
Перевод: Благо есть славить Господа и петь имени Твоему, Всевышний ( Пс.91:2 ).
Стих: Возвеща́ти зау́тра ми́лость Твою́, и и́стину Твою́ на вся́ку нощь.
Перевод: Возвещать ранним утром милость Твою и истину Твою во всякую ночь ( Пс.91:3 ).
Глас 8
Прокимен: Помоли́теся и воздади́те / Го́сподеви Бо́гу на́шему.
Перевод: Помолитесь и воздайте / обеты Господу, Богу нашему ( Пс.75:12 ).
Стих: Ве́дом во Иуде́и Бог, во Изра́или ве́лие И́мя Его́.
Перевод: Известен в Иудее Бог, велико в Израиле имя Его ( Пс.75:2 ).
Аллилуиа: Прииди́те, возра́дуемся Го́сподеви, воскли́кнем Бо́гу Спаси́телю на́шему.
Перевод: Придите, возрадуемся о Господе, воскликнем Богу, Спасителю нашему ( Пс.94:1 ).
Стих: Предвари́м лице́ Его́ во испове́дании, и во псалме́х воскли́кнем Ему́.
Перевод: Поспешим пред лицо Его со славословием и в псалмах воскликнем Ему ( Пс.94:2 ).
Прокимени, апостоли и аллилуиаре на всяку потребу различнии
НА КРЕЩЕНИЕ ЧЕЛОВЕКОВ.
Прокимен, глас 3: Господь просвещение мое и Спаситель мой, / кого убоюся? Стих: Господь защититель живота моего, от кого устрашуся?
Апостол к римляном, зачало 91.
ВО ВРЕМЯ БРАКА.
Прокимен, глас 8: Положил еси на главах их венцы, от каменей честных, / живота просиша у Тебе, и дал еси им. Стих: Яко даси им благословение во век века, возвеселиши я радостию с лицем Твоим.
Апостол к ефесеем, зачало 230.
Аллилуиа, глас 5: Стих: Ты Господи сохраниши ны, и соблюдеши ны от рода сего и во век.
НА ОСВЯЩЕНИЕ ЕЛЕА.
Седмь иереев. Первый иерей глаголет:
Прокимен, глас 1: Буди, Господи, милость Твоя на нас, / якоже уповахом на Тя. Стих: Радуйтеся праведнии о Господе, правым подобает похвала.
Апостол от Иаковля послания, зачало 57.
Аллилуиа, глас 8: Милость и суд воспою тебе, Господи.
Вторый иерей глаголет:
Прокимен, глас 2: Крепость моя и пение мое Господь, / и бысть мне во спасение. Стих: Наказуя наказа мя Господь, смерти же не предаде мя.
Апостол к римляном, зачало 116.
Аллилуиа, глас 5: Милости Твоя, Господи, во век воспою.
Третий иерей глаголет:
Прокимен, глас 3: Господь просвещение мое и Спаситель мой, / кого убоюся? Стих: Господь защититель живота моего, от кого устрашуся?
Апостол к коринфяном, зачало 153.
Аллилуиа, глас 2: На Тя, Господи, уповах, да не постыжуся во век.
Четвертый иерей глаголет:
Прокимен, глас 4: Воньже аще день призову Тя, / скоро услыши мя. Стих: Господи, услыши молитву мою, и вопль мой к Тебе да приидет.
Апостол к коринфяном, зачало 182 от полу.
Аллилуиа, глас 2: Терпя потерпех Господа, и внят ми.
Пятый иерей глаголет:
Прокимен, глас 5: Ты, Господи, сохраниши ны, и соблюдеши ны / от рода сего, и во век. Стих: Спаси мя, Господи, яко оскуде преподобный.
Апостол к коринфяном, зачало 168.
Аллилуиа, глас 5: Милости Твоя, Господи, во век воспою.
Шестый иерей глаголет:
Прокимен, глас 6: Помилуй мя, Боже, / по велицей милости Твоей. Стих: Сердце чисто созижди во мне, Боже, и дух прав обнови во утробе моей.
Апостол к галатом, зачало 213.
Аллилуиа, глас 6: Блажен муж бояйся Господа, в заповедех Его восхощет зело.
Седмый иерей глаголет:
Прокимен, глас 7: Господи, да не яростию Твоею обличиши мене, / ниже гневом Твоим накажеши мене. Стих: Помилуй мя, Господи, яко немощен есмь.
Апостол к солуняном, зачало 273.
Аллилуиа, глас 7: Услышит тя Господь в день печали, защитит тя имя Бога Иаковля.
НА ПОСТРИЖЕНИЕ МОНАХОВ.
Прокимен, глас 3: Господь просвещение мое и Спаситель мой, / кого убоюся? Стих: Господь защититель живота моего, от кого устрашуся,
Апостол к ефесеем, зачало 233.
Аллилуиа, глас 1: Сей нищий воззва, и Господь услыша и, и от всех скорбей его спасе и.
НА ПОГРЕБЕНИЕ МИРЯН.
Прокимен, глас 6: Блажен путь, воньже идеши днесь, душе, / яко уготовася тебе место упокоения. Стих: К Тебе, Господи, воззову, Боже мой, да не премолчиши от мене.
Апостол к солуняном, зачало 270.
Аллилуиа. Блажен, егоже избрал и приял еси, Господи.
НА ПОГРЕБЕНИЕ МОНАХОВ.
Прокимен, глас 6: Блажен путь, воньже идеши, брате, днесь, / яко уготовася тебе место покоя. Стих: Обратися душе моя, в покой Твой, яко Господь благодействова тя.
Апостол к солуняном, зачало 270.
Аллилуиа, глас 6: Блажен, егоже избрал и приял еси, Господи.
НА ПОГРЕБЕНИЕ СВЯЩЕННИКОВ.
Прокимен, глас 6: Блажен путь, воньже идеши днесь душе, / яко уготовася тебе место упокоения. Стих: Обратися, душе моя, в покой Твой, яко Господь благодействова тя.
Апостол к солуняном, зачало 270.
Аллилуиа, глас 6: Блажен, егоже избрал и приял еси, Господи.
Вторый прокимен, глас 6: Блажен, егоже избрал / и приял еси, Господи. Стих: Тебе подобает песнь, Боже, в Сионе.
Апостол к римляном, зачало 89.
Аллилуиа, глас 6: Блажен, егоже избрал и приял еси, Господи.
Третий прокимен, глас 6: Блажен, егоже избрал / и приял еси, Господи. Стих: Память его в род и род.
Апостол к коринфяном, зачало 158.
Аллилуиа. Стих: Блажен, егоже избрал и приял еси, Господи.
Четвертый прокимен, глас 6: Душа его / во благих водворится. Стих: К Тебе, Господи, воззову, Боже мой, да не премолчиши от мене.
Апостол к коринфяном, зачало 160.
Аллилуиа. Блажен муж бояйся Господа. Стих: Сильно на земли будет семя его.
Пятый прокимен, глас 6: Блажен, егоже избрал / и приял еси, Господи. Стих: Душа его во благих водворится.
Апостол к римляном зачало 113.
Аллилуиа, глас 6: Блажен, егоже избрал и приял еси, Господи. Стих: Душа его во благих водворится.
НА ПОГРЕБЕНИИ МЛАДЕНЦЕВ.
Прокимен, глас 6: Блажен путь, воньже пойдеши, душе, / яко уготовася тебе место упокоения. Стих: Обратися, душе моя, в покой Твой, яко Господь благодействова тя.
Апостол к коринфяном, зачало 162.
Аллилуиа. Стих: Блажен, егоже избрал и приял еси, Господи. Стих: Душа его во благих водворится.
АВГУСТА В ПЕРВЫЙ ДЕНЬ, НА ОСВЯЩЕНИЕ ВОДЫ.
Прокимен, глас 3: Господь просвещение мое, и Спаситель мой, / кого убоюся? Стих: Господь защититель живота моего, от кого устрашуся?
Апостол ко евреем, зачало 306.
Аллилуиа, глас 6: Отрыгну сердце мое слово благо. Стих: Глаголю аз дела моя Цареви.
НА ОСВЯЩЕНИЕ ЦЕРКВЕ.
Прокимен, глас 4: Дому Твоему подобает святыня, Господи, / в долготу дний. Стих: Господь воцарися, в лепоту облечеся, облечеся Господь в силу и препоясася.
Апостол ко евреем, зачало 307.
Аллилуиа, глас 1: Основания его на горах святых, любит Господь врата Сионя паче всех селений Иаковлих. Стих: Преславная глаголашася о тебе, граде Божий.
НАД БОЛЯЩИМ.
Прокимен, глас 1: Аз рех: Господи, помилуй мя, исцели душу мою, / яко согреших Тебе. Стих: Блажен разумеваяй на нища и убога, в день лют избавит его Господь.
Апостол Иаковля послания, зачало 57.
Аллилуиа, глас 8: Призри на мя, и помилуй мя.
НА ОСНОВАНИЕ И НА ОБНОВЛЕНИЕ ГРАДА.
Прокимен, глас 4: Дому Твоему подобает святыня, / Господи, в долготу дний. Стих: Ибо утверди вселенную, яже не подвижится.
Апостол в Деяниих, зачало 40 от полу.
Аллилуиа, глас 2: Основания его на горах святых, любит Господь врата Сионя паче всех селений Иаковлих. Стих: Преславная глаголашася о тебе, граде Божий.
ПОСЛЕДОВАНИЕ В БЕЗДОЖДИЕ.
Прокимен, глас 4: Бразды земныя упой, / и умножи жита ея. Стих: В каплях ея возвеселится возсияющи.
Апостол Иаковля послания, зачало 57.
Аллилуиа, глас 8: Благословиши венец лета благости Твоея, и поля Твоя исполнятся тука. Стих: Разботеют красная пустыни, и радостию холми препояшутся.
ВО ВРЕМЯ БЕЗВЕДРИЯ.
Прокимен, глас 4: Спаси мя, Боже, / яко внидоша воды до души моея. Стих: Углебох в тимении глубины, и несть постояния.
Апостол к римляном, зачало 98.
Аллилуиа, гласа: Спаси мя от брения, да не углебну, и от глубоких вод. Стих: Да не потопит мене буря водная, ниже да пожрет мене глубина.
ВО СТРАХ ТРУСА.
Прокимен, глас 8: Господи, да не яростию Твоею обличиши мене, / ниже гневом Твоим накажеши мене. Стих: Не отврати лица Твоего от отрока Твоего.
Апостол ко евреем, зачало 331 от полу.
Аллилуиа, глас 5: Боже, отринул ны еси, и низложил еси нас. Стих: Стрясл еси землю, и смутил еси ю, исцели сокрушение ея, яко подвижеся.
В ЗАПАЛЕНИИ ОГНЯ.
Прокимен, глас 1: Буди, Господи, милость Твоя на нас, / якоже уповахом на Тя. Стих: Се, очи Господни на боящияся Его, и уповающия на милость Его.
Апостол ко евреем, зачало 332.
Аллилуиа. Щедр и милостив Господь всем призывающим Его.
ПОСЛЕДОВАНИЕ ЗА ЛЮДИ ВО ВРЕМЯ БРАНИ.
Прокимен, глас 4: Господи, силою Твоею возвеселится царь, / и о спасении Твоем возрадуется зело. Стих: Желание сердца его дал еси ему, и хотения устну его неси лишил его.
Апостол ко ефесеем, зачало 233.
Аллилуиа, глас 2: Услышит тя Господь в день печали, защитит тя имя Бога Иаковля. Стих: Господи, спаси царя, и услыши ны, воньже аще день призовем Тя.
В НАШЕСТВИИ БРАНИ.
Прокимен, глас 1: Господь крепок и силен, / Господь силен в брани. Стих: Господня земля и исполнение ея, вселенная и вси живущии на ней.
Апостол ко ефесеем, зачало 220.
Аллилуиа, глас 8: Господь сил с нами, заступник наш Бог Иаковль. Стих: Бог нам прибежище и сила, помощник в скорбех, обретших ны зело.
В НАШЕСТВИИ ВАРВАР.
Прокимен, глас 4: Да воскреснет Бог, / и расточатся врази Его. Стих: Яко исчезает дым, да исчезнут.
Апостол ко ефесеем, зачало 220.
Аллилуиа, стих: Господь сокрушаяй брани, Господь имя Ему.
ПОСЛЕДОВАНИЕ В МИР.
Прокимен, глас 4: Мир мног / любящим Тя, Господи. Стих: Чаях Бога спасающаго мя.
Апостол ко ефесеем, зачало 221.
Аллилуиа, глас 4: Вопросите яже о мире Иерусалима.