повеленное тайно прием в разуме текст
Православная Жизнь
Суббота 5-й седмицы Великого поста.
Похвала Пресвятой Богородицы (Суббота Акафиста)
Суббота 5-й седмицы называется субботой Акафиста, а сама служба получила название Похвалы Пресвятой Богородицы. В этот день на утрени читается акафист Божией Матери в память Ее заступничества и избавления Константинополя в эти дни поста от сарацин и скифов в 626 году.
Акафист прочитывается в четыре приема, каждый раз по 3 икоса и 3 кондака. Каждое чтение начинается и заключается пением кондака Взбранной Воеводе. На каждое чтение священнослужители выходят через царские врата на середину храма.
Пятница: cухоядение (хлеб, овощи, фрукты)
Суббота: пища с растительным маслом
Утреня
Начинается с двупсалмия (псалмы 19, 20).
После шестопсалмия и мирной ектении поется Бог Господь медленно, особым распевом, и тропарь праздника Повеленное тайно.
Стихословится 16-я кафизма (псалмы 109-117).
После малой ектении протяжно и со сладкопением поется кондак Акафиста Взбранной Воеводе и читается 1-я часть Акафиста.
Стихословится 17-я кафизма (118 псалом).
Малая ектения.
Читается 2-я часть Акафиста.
После 3-й песни канона и малой ектении читается 3-я часть Акафиста.
После 6-й песни канона и малой ектении читается 4-я часть Акафиста.
Поется великое славословие.
Утреня заканчивается по праздничному чину.
Часы
Совершается Литургия свт. Иоанна Златоуста.
Причастен: Чашу спасения прииму и имя Господне призову.
Канон в Субботу Пятыя Седмицы Великаго Поста. Похвала Пресвятой Богородице
Начало канона
Молитвами святых отец наших, Господи Иисусе Христе Боже наш, помилуй нас. Аминь.
Сла́ва Тебе́, Бо́же наш, сла́ва Тебе́.
Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.
Святы́й Бо́же, Святы́й Кре́пкий, Святы́й Безсме́ртный, поми́луй нас. (Трижды.)
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.
Го́споди, поми́луй, (трижды). Сла́ва, и ны́не:
О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.
Тропарь, глас 8:
Повеле́нное та́йно прие́м в ра́зуме, / в кро́ве Ио́сифове тща́нием предста́ Безпло́тный, глаго́ля Неискусобра́чней: / приклони́вый схожде́нием Небеса́ вмеща́ется неизме́нно весь в Тя, / Его́же и ви́дя в ложесна́х Твои́х прие́мша ра́бий зрак, / ужаса́юся зва́ти Тебе́: / ра́дуйся, Неве́сто Неневе́стная.
Го́споди поми́луй, (12 раз). Сла́ва, и ны́не:
Прииди́те, поклони́мся Царе́ви на́шему Бо́гу.
Прииди́те, поклони́мся и припаде́м Христу́, Царе́ви на́шему Бо́гу.
Прииди́те, поклони́мся и припаде́м Самому́ Христу́, Царе́ви и Бо́гу на́шему.
1 В коне́ц, псалом Давиду, внегда внити к нему Нафа́ну проро́ку, 2 егда́ вни́де к Вирсави́и, жене́ Ури́еве, 50
3 Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. 4 Наипа́че омы́й мя от беззако́ния моего́, и от греха́ моего́ очи́сти мя. 5 Яко беззако́ние мое́ аз зна́ю и грех мой предо мно́ю есть вы́ну. 6 Тебе́ Еди́ному согреши́х, и лука́вое пред Тобо́ю сотвори́х, я́ко да оправди́шися во словесе́х Твои́х и победи́ши, внегда́ суди́ти Ти. 7 Се бо в беззако́ниих зача́т есмь, и во гресе́х роди́ мя ма́ти моя́. 8 Се бо и́стину возлюби́л еси́, безве́стная и та́йная прему́дрости Твоея́ яви́л ми еси́. 9 Окропи́ши мя иссо́пом, и очи́щуся, омы́еши мя, и па́че сне́га убелю́ся. 10 Слу́ху моему́ да́си ра́дость и весе́лие, возра́дуются ко́сти смире́нныя. 11 Отврати́ лице́ Твое́ от грех мои́х, и вся беззако́ния моя́ очи́сти. 12 Се́рдце чи́сто сози́жди во мне, Бо́же, и дух прав обнови́ во утро́бе мое́й. 13 Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́. 14 Возда́ждь ми ра́дость спасе́ния Твоего́, и Ду́хом Влады́чним утверди́ мя. 15 Научу́ беззако́нныя путе́м Твои́м, и нечести́вии к Тебе́ обратя́тся. 16 Изба́ви мя от крове́й, Бо́же, Бо́же спасе́ния моего́, возра́дуется язы́к мой пра́вде Твоей. 17 Го́споди, устне́ мои́ отве́рзеши, и уста́ моя́ возвестя́т хвалу́ Твою́. 18 Яко а́ще бы восхоте́л еси́ же́ртвы, дал бых у́бо, всесожже́ния не благоволи́ши. 19 Же́ртва Бо́гу дух сокруше́н, се́рдце сокруше́нно и смире́нно Бог не уничижи́т. 20 Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. 21 тогда́ благоволи́ши же́ртву пра́вды, возноше́ние и всесожега́емая: тогда́ возложа́т на олта́рь Твой тельцы́.
Канон, глас 4-й
Песнь 1
Ирмос: Отве́рзу уста́ моя, и напо́лнятся Ду́ха, и сло́во отры́гну Цари́це Ма́тери, и явлю́ся све́тло торжеству́я, и воспою́ ра́дуяся Тоя́ чудеса́.
Припев: Пресвята́я Богоро́дице, спаси́ нас.
Христо́ву кни́гу одушевле́нную, запечатле́нную Тя Ду́хом, вели́кий Арха́нгел, Чи́стая, зря возглаша́ше Ти: ра́дуйся, ра́дости прия́телище, Е́юже прама́терняя кля́тва разреши́тся.
Пресвята́я Богоро́дице, спаси́ нас.
Ада́мово исправле́ние, ра́дуйся, Де́во Богоневе́сто, а́дово умерщвле́ние; ра́дуйся, Всенепоро́чная, Пала́то всех Царя́; ра́дуйся, Престо́ле о́гненный Вседержи́теля.
Слава: Цве́те неувяда́емый, ра́дуйся, Еди́на прозя́бшая Я́блоко Благово́нное; ра́дуйся, ро́ждшая благоуха́ние Еди́наго Царя́; ра́дуйся Неискусобра́чная, ми́рови спасе́ние.
И ныне: Чистоты́ сокро́вище, ра́дуйся, Е́юже от паде́ния на́шего воста́хом; ра́дуйся, сладкоуха́нный кри́не, Влады́чице, ве́рных благоуха́яй, кади́ло благово́нное и ми́ро многоце́нное.
Песнь 3
Ирмос: Твоя́ песносло́вцы, Богоро́дице, живы́й и незави́стный исто́чниче, лик себе́ совоку́пльшия, духо́вно утверд́и: в Боже́ственней Твое́й сла́ве венце́в сла́вы сподо́би.
Пресвята́я Богоро́дице, спаси́ нас.
Клас прозя́бшая Боже́ственный, я́ко ни́ва неора́нная я́ве, ра́дуйся, одушевле́нная Трапе́зо, Хлеб живо́тный вме́щшая; ра́дуйся, живо́тныя воды́ Исто́чниче неистоща́емый, Влады́чице.
Пресвята́я Богоро́дице, спаси́ нас.
Ю́нице Юнца́ ро́ждшая непоро́чнаго, ра́дуйся ве́рным; ра́дуйся. А́гнице, ро́ждшая Бо́жияго А́гнца, взе́млющаго ми́ра всего́ прегреше́ния; ра́дуйся те́плое очисти́лище.
Слава: У́тро светле́йшее, ра́дуйся, Еди́на со́лнца нося́щая Христа́ све́та жили́ще; ра́дуйся, тьму разруши́вшая, и мра́чныя бе́сы отню́д отгна́вшая.
И ныне: Ра́дуйся, две́ре Еди́на, Е́юже Сло́во про́йде Еди́но, вереи́ и врата́ а́дова, Влады́чице, Рождество́м Твои́м сокруши́вшая; ра́дуйся Боже́ственный вхо́де спаса́емых, Богоневе́сто.
Господи, помилуй. (Трижды.)
Седален, глас 1-й
Вели́кий во́ин невеще́ственных А́нгелов, во град Назаре́т предста́в, Царя́ возвеща́ет Твоего́, Чи́стая, и веко́в Го́спода: ра́дуйся, глаго́ля Тебе́, благослове́нная Мари́е, непостижи́мая и несказа́нная Глубино́, челове́ков воззва́ние.
Песнь 4
Ирмос: Седя́й в сла́ве, на престо́ле Божества́, во о́блаце ле́гце прии́де Иису́с Пребоже́ственный, нетле́нною дла́нию, и спасе́ зову́щия: сла́ва, Христе́, си́ле Твое́й.
Пресвята́я Богоро́дице, спаси́ нас.
Во гла́сех пе́ний, Де́во, Тебе́ вопие́м, Всепе́тая: ра́дуйся, ту́чная Горо́ и усыре́нная Ду́хом; ра́дуйся Све́щниче, и Ста́мно ма́нну нося́щая, услажда́ющая всех благочести́вых чу́вства.
Пресвята́я Богоро́дице, спаси́ нас.
Очисти́лище ми́ру, ра́дуйся, Пречи́стая Влады́чице; ра́дуйся Ле́ствице, от земли́ всех возвы́сившая благода́тию; ра́дуйся Мо́сте, вои́стинну преводя́й всех от сме́рти к животу́ пою́щих Тя.
Пресвята́я Богоро́дице, спаси́ нас.
Небе́с превы́шшая, ра́дуйся, земли́ основа́ние в Твои́х ложесна́х, Пречи́стая, нетру́дно носи́вшая; ра́дуйся Червлени́це, багряни́цу Божестве́нную омочи́вшая от крове́й Твои́х Царе́ви си́лам.
Слава: Законода́вца ро́ждшая и́стиннаго, ра́дуйся Влады́чице, беззако́ния всех ту́не очища́ющаго; недове́домая Глубино́, Высото́ неизрече́нная, браконеиску́сная, Е́юже мы обожи́хомся.
И ныне: Тя, испле́тшую ми́рови нерукоплете́нный вене́ц, песносло́вим, ра́дуйся, Тебе́ Де́во зову́ще: храни́лище всех и огражде́ние, и утвержде́ние, и свяще́нное прибе́жище.
Песнь 5
Ирмос: Ужасо́шася вся́ческая о Боже́ственней сла́ве Твое́й: Ты бо, Неискусобра́чная Де́во, име́ла еси́ во утро́бе над все́ми Бо́га и родила́ еси́ безле́тнаго Сы́на, всем воспева́ющим Тя мир подава́ющая.
Пресвята́я Богоро́дице, спаси́ нас.
Путь ро́ждшая жи́зни, ра́дуйся, Пренепоро́чная, от пото́па грехо́внаго мир спа́сшая; ра́дуйся, Богоневе́сто, слы́шание и глаго́лание стра́шное; ра́дуйся пребыва́ние Влады́ки тва́ри.
Пресвята́я Богоро́дице, спаси́ нас.
Кре́пость и утвержде́ние челове́ков, ра́дуйся, Пречи́стая, ме́сто освяще́ния сла́вы, умерщвле́ние а́дово, Черто́же всесве́тлый; ра́дуйся А́нгелов Ра́досте; ра́дуйся по́моще ве́рно моля́щихся Тебе́.
Пресвята́я Богоро́дице, спаси́ нас.
Огнеобра́зная Колесни́це Сло́ва, ра́дуйся, Влады́чице, одушевле́нный Раю́, дре́во посреде́ иму́щи жи́зни Го́спода, Его́же сла́дость оживотворя́ет ве́рою причаща́ющихся, и тли подклони́вшихся.
Слава: Укрепля́еми си́лою Твое́ю, ве́рно вопие́м Ти: ра́дуйся, Гра́де всех Царя́, пресла́вная и достослы́шанная о Не́йже глаго́лана бы́ша я́ве, Горо́ несеко́мая: ра́дуйся, Глубино́ неизмери́мая.
И ныне: Простра́нное селе́ние сло́ва, ра́дуйся, Пречи́стая, сосу́де, Боже́ственный би́сер произве́дшая; ра́дуйся всечу́дное всех к Бо́гу примире́ние, блажа́щих Тя Богоро́дице всегда́.
Песнь 6
Ирмос: Боже́ственное сие́ и всечестно́е соверша́юще пра́зднество, богому́дрии, Богома́тере, прииди́те, рука́ми воспле́щим, от Нея́ ро́ждшагося Бо́га сла́вим.
Пресвята́я Богоро́дице, спаси́ нас.
Черто́же Сло́ва Нескве́рный, вина́ всех обоже́ния, ра́дуйся, Пречи́стая, проро́ков оглаше́ние; ра́дуйся, апо́столов удобре́ние.
Пресвята́я Богоро́дице, спаси́ нас.
От Тебе́ роса́ ука́ну, пла́мень многобо́жия угаси́вшая; тем вопие́м Ти: ра́дуйся, Руно́ одушевле́нное, е́же Гедео́н, Де́во, предви́де.
Слава: Се Тебе́, Де́во, ра́дуйся, зове́м: приста́нище нам бу́ди вла́ющимся, и оти́шие в пучи́не скорбе́й и собла́знов всех бори́теля.
И ныне: Ра́дости вина́, облагодати́ наш по́мысл, е́же зва́ти Тебе́: ра́дуйся, неопали́мая Купино́, О́блаче всесве́тлый, ве́рныя непреста́нно осеня́ющий.
Господи, помилуй. (Трижды.) Слава, И ныне:
Кондак, глас 8-й
Взбра́нной воево́де победи́тельная, яко изба́вльшеся от злых, благода́рственная воспису́ем Ти раби́ Твои́, Богоро́дице, но я́ко иму́щая держа́ву непобеди́мую, от вся́ких нас бед свободи́, да зове́м Ти: ра́дуйся, Неве́сто Неневе́стная.
А́нгел предста́тель с небесе́ по́слан бысть рещи́ Богоро́дице: ра́дуйся! И со безпло́тным гла́сом, воплоща́ема Тя зря, Го́споди, ужаса́шеся, и стоя́ше, зовы́й к Ней такова́я: ра́дуйся, Е́юже ра́дость возсия́ет; ра́дуйся, Е́юже кля́тва исче́знет. Ра́дуйся, па́дшаго Ада́ма воззва́ние; ра́дуйся, слез Е́виных избавле́ние. Ра́дуйся, высото́ неудобовосходи́мая челове́ческими помы́слы; ра́дуйся, глубино́ неудобозри́мая и А́нгельскима очи́ма. Ра́дуйся, яко еси́ Царе́во седа́лище; ра́дуйся, я́ко носи́ши Нося́щаго вся. Ра́дуйся, звездо́, явля́ющая со́лнце; ра́дуйся, утро́бо Боже́ственнаго воплоще́ния. Ра́дуйся, Е́юже обновля́ется тварь; ра́дуйся, Е́юже покланя́емся Творцу́. Ра́дуйся, Неве́сто Неневе́стная.
Песнь 7
Ирмос: Не послужи́ша тва́ри богому́дрии па́че Созда́вшаго, но о́гненное преще́ние му́жески попра́вше, ра́довахуся пою́ще: препе́тый отце́в Госпо́дь и Бог благослове́н еси́.
Пресвята́я Богоро́дице, спаси́ нас.
Воспева́ем Тя вопию́ще: ра́дуйся, Колесни́це Со́лнца у́мнаго, Лозо́ и́стинная, Грозд зре́лый возде́лавшая, вино́ источа́ющий, ду́ши веселя́щее ве́рою Тя сла́вящих.
Пресвята́я Богоро́дице, спаси́ нас.
Врача́ всех челове́к ро́ждшая, ра́дуйся Богоневе́сто, Же́зле та́йный, Цвет неувяда́емый процве́тший, ра́дуйся Влады́чице, Е́юже ра́дости наполня́емся, и жизнь насле́дствуем.
Пресвята́я Богоро́дице, спаси́ нас.
Вити́йствующий не мо́жет язы́к, Влады́чице, песносло́вити Тя, па́че бо Серафи́мов возвы́силася еси́, ро́ждши Царя́ Христа́; Его́же моли́ гра́ду сему́ изба́витися от мно́гих искуше́ний.
Слава: Хва́лят Тя блажа́ще концы́, и любо́вию зову́т Тебе́: ра́дуйся Сви́тче, в не́мже персто́м написа́ся О́тчее Сло́во, Чи́стая; Его́же моли́, в кни́ги живо́тныя, рабо́м Твои́м написа́тися Богоро́дице.
И ныне: Мо́лим раби́ Твои́, и приклоня́ем коле́но се́рдца на́шего: приклони́ ух́о Твое́, Чи́стая, и спаси́ скорбьми́ погружа́емыя при́сно, и соблюди́ от вся́каго вра́жия плене́ния Твой град Богоро́дице.
Песнь 8
Ирмос: О́троки благочести́выя в пещи́ Рождество́ Богоро́дино спасло́ есть; тогда́ у́бо образу́емое, ны́не же де́йствуемое, вселе́нную всю воздвиза́ет пе́ти Тебе́: Го́спода по́йте дела́ и превозноси́те Его́ во вся ве́ки.
Пресвята́я Богоро́дице, спаси́ нас.
Ложесны́ Сло́во прияла́ еси́, вся нося́щаго носи́ла еси́, млеко́м пита́ла еси́, ма́нием пита́ющаго вселе́нную всю, Чи́стая, Ему́же пое́м: Го́спода по́йте дела́ и превозноси́те во вся ве́ки.
Пресвята́я Богоро́дице, спаси́ нас.
Моисе́й уразуме́ в купине́ вели́кое та́инство рождества́ Твоего́, о́троцы же прообрази́ша сие́ я́вственнее посреде́ огня́ стоя́ще, и не опаля́еми, нетле́нная свята́я Де́во; тем Тя почита́ем во вся ве́ки.
Пресвята́я Богоро́дице, спаси́ нас.
Пре́жде пре́лестию обнажи́вшийся, в ри́зу нетле́ния облеко́хомся Рождество́м Твои́м, и седя́щии во тьме прегреше́ний, Свет ви́дехом, Све́та жили́ще, Отрокови́це; тем Тя пое́м во вся ве́ки.
Слава: Ме́ртвии Тобо́ю оживля́ются, Жизнь бо Ипоста́сную родила́ еси́, неми́и пре́жде, благоглаго́ливи быва́ют, прокаже́ннии очища́ются, неду́зи отгоня́ются, духо́в возду́шных мно́жества побежда́ются, Де́во, челове́ков спасе́ние.
И ныне: Ми́ру ро́ждшая Спасе́ние, И́мже от земли́ на высоту́ взя́та бы́хом, ра́дуйся, Всеблагослове́нная, Покро́ве и Держа́во, Стено́ и Утвержде́ние пою́щим, Чи́стая: Го́спода по́йте дела́ и превозноси́те во вся ве́ки.
Песнь 9
Ирмос: Всяк земноро́дный да взыгра́ется, Ду́хом просвеща́емь, да торжеству́ет же безпло́тных умо́в естество́, почита́ющее свяще́нное торжество́ Богома́тере, и да вопие́т: ра́дуйся, Всеблаже́нная Богоро́дице, Чи́стая Присноде́во.
Пресвята́я Богоро́дице, спаси́ нас.
Да Тебе́ ве́рнии, ра́дуйся зове́м, Тобо́ю ра́дости прича́стницы бы́вше присносу́щныя, изба́ви нас напа́стей, ва́рварскаго плене́ния, и вся́кия ины́я ра́ны, за мно́жество, Отрокови́це, прегреше́ний, находя́щия челове́ком согреша́ющим.
Пресвята́я Богоро́дице, спаси́ нас.
Яви́лася еси́ просвеще́ние на́ше и утвержде́ние; те́мже вопие́м Ти: ра́дуйся Звездо́ незаходи́мая, вводя́щая в мир вели́кое Со́лнце; ра́дуйся, Еде́м отве́рзшая заключе́нный, Чи́стая; ра́дуйся, Сосу́де, ми́ро неистощи́мое на Тя излия́нное прие́мший.
Пресвята́я Богоро́дице, спаси́ нас.
Ста́нем благогове́йно в дому́ Бо́га на́шего, и возопии́м: ра́дуйся, ми́ру Влады́чице; ра́дуйся Мари́е, Госпоже́ всех нас; ра́дуйся, Еди́на Непоро́чная в жена́х и до́брая; ра́дуйся, Сто́лпе о́гненный, вводя́щий в вы́шнюю жизнь челове́чество.
Слава: Голуби́це, Ми́лостиваго ро́ждшая, ра́дуйся Присноде́во; преподо́бных всех, ра́дуйся Похвало́, страда́льцев венча́ние; ра́дуйся всех пра́ведных Боже́ственное удобре́ние, и нам ве́рным спасе́ние.
И ныне: Пощади́, Бо́же, насле́дие Твое́, грехи́ на́ша вся презре́в ны́не, на сие́ име́я моля́щую Тя, на земли́ безсе́менно Тебе́ ро́ждшую, вели́кия ра́ди ми́лости восхоте́вшаго вообрази́тися, Христе́, в челове́чество.
Окончание канона
Достойно есть яко воистинну блажити Тя, Богородицу, Присноблаженную и Пренепорочную и Матерь Бога нашего. Честне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, / су́щую Богоро́дицу, Тя велича́ем.
Го́споди поми́луй, (трижды.) Сла́ва, и ны́не:
Господи Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых помилуй нас. Аминь.
Канон благодарственный с акафистом Пресвятой Богородице
Тропарь, глас 8:
П овеленное тайно прием в разуме, / в крове Иосифове тщанием предста безплотный, / глаголя Неискусобрачней: / Приклонивый схождением небеса, вмещается неизменно весь в Тя. / Егоже и видя в ложеснах Твоих / приемша рабий зрак, / ужасаюся звати Тебе: / радуйся Невесто Неневестная.
Тропарь, глас 8
П овеление таинственное постигнув разумом, / под кровом Иосифа поспешно предстал бесплотный, / возглашая не Знавшей брака: / “Склонивший Своим сошествием небеса, / не изменяясь, весь вмещается в Тебя. / И видя Его в Твоих недрах принявшим образ раба, / я в изумлении взываю Тебе: / Радуйся, Невеста, брака не познавшая!”
Канон, творение Иосифово,
егоже краегранесие сицево:
Радости приятелище, Тебе подобает радоватися единей. Глас 4. Песнь 1:
Канон, глас 4,
творение преподобного Иосифа.
Песнь 1
Песнь 3:
Ирмос: Твоя песнословцы, Богородице, / Живый и Независтный Источниче, / лик себе совокупльшия, духовно утверди, / в Божественней Твоей славе / венцев славы сподоби.
Песнь 3
Ирмос: Твоих песнопевцев, Богородица, / – живой и обильный источник, / устроивших праздник духовный, Ты утверди / и в божественной славе Твоей / удостой венцов славы.
| Пресвятая Богородице, спаси нас. | Пресвятая Богородица, спаси нас. |
| Во гласех пений, Дево / Тебе вопием Всепетая: / радуйся, тучная горо и усыренная Духом. / Радуйся свещниче, и стамно манну носящая, / услаждающая всех благочестивых чувства. | Звучными песнями [с верою] / Тебе взываем, (Дева) Всепрославленная: / “Радуйся, гора плодородная и утучненная Духом; / радуйся, светильник и сосуд, манну вмещающий, / услаждающую (всех) благочестивых чувства!” |
| Пресвятая Богородице, спаси нас. | Пресвятая Богородица, спаси нас. |
| Очистилище миру, радуйся, Пречистая Владычице. / Радуйся лествице, от земли всех возвысившая благодатию. / Радуйся мосте, воистинну преводяй всех / от смерти к животу поющих Тя. | Умилостивление миру, / радуйся, пречистая Владычица; / радуйся, лестница, от земли всех возвысившая благодатию; / радуйся, мост, воистину переводящий от смерти к жизни / всех, Тебя воспевающих. |
| Пресвятая Богородице, спаси нас. | Пресвятая Богородица, спаси нас. |
| Небес превышшая, радуйся, земли основание / в Твоих ложеснах Пречистая, нетрудно носившая. / Радуйся червленице, багряницу Божественную омочившая, / от кровей Твоих, Цареви силам. | Небес высочайшая, радуйся, / земли основание в недрах Твоих, Пречистая, без труда носившая; / радуйся, пурпурная раковина, / багряницу Божественную окрасившая / кровью Твоею для Царя сил. |
| Слава: Законодавца рождшая истиннаго, радуйся Владычице, / беззакония всех туне очищающаго. / Недоведомая глубино, высото неизреченная, браконеискусная, / Еюже мы обожихомся. | Слава: Законодателя родившая воистину, / радуйся, Владычица, беззакония всех заглаживающего даром, / непостижимая глубина, высота неизреченная, / брака не познавшая, / чрез Которую мы получили обожение. |
| И ныне: Тя исплетшую мирови нерукоплетенный венец песнословим, / радуйся, Тебе Дево зовуще: / хранилище всех и ограждение, и утверждение, / и священное прибежище. | И ныне: Тебя, сплетшую миру нерукотворный венец, / воспеваем, “Радуйся!” Тебе, Дева, возглашая, / охрана всех и ограждение, / и утверждение, и священное прибежище. |
| Пресвятая Богородице, спаси нас. | Пресвятая Богородица, спаси нас. |
| Путь рождшая жизни, радуйся Пренепорочная, / от потопа греховнаго мир спасшая: / радуйся Богоневесто, слышание и глаголание страшное: / радуйся пребывание Владыки твари. | Путь жизни родившая, радуйся, Всенепорочная, / от потопа греха мир спасшая; / радуйся, Божия Невеста, / слух и речь о Которой приводит в трепет, / радуйся, жилище Владыки всего творения. |
| Пресвятая Богородице, спаси нас. | Пресвятая Богородица, спаси нас. |
| Крепость и утверждение человеков, радуйся Пречистая, / место освящения славы, умерщвление адово, чертоже всесветлый. / Радуйся ангелов радосте: / радуйся помоще верно молящихся Тебе. | Сила и твердыня людей, / радуйся, Пречистая, место освящения славного, / умерщвление ада, брачный чертог пресветлый; / радуйся, Ангелов радость, / радуйся, помощь с верою молящимся Тебе. |
| Пресвятая Богородице, спаси нас. | Пресвятая Богородица, спаси нас. |
| Огнеобразная колеснице Слова, радуйся Владычице, / одушевленный раю, древо посреде имущи жизни Господа, / Егоже сладость оживотворяет верою причащающихся, и тли подклонившихся. | Огневидная колесница Слова, / радуйся, Владычице, одушевленный рай, / посреди себя имеющий древо жизни – Господа, / чья сладость оживотворяет с верою ему причащающихся, / хотя и покорившихся тлению. |
| Слава: Укрепляеми силою Твоею, верно вопием Ти: / радуйся, граде всех Царя, / преславная и достослышанная о Нейже глаголана быша яве, горо несекомая: / радуйся глубино неизмеримая. | Слава: Укрепляемые силою Твоею, / с верою взываем Тебе: / радуйся, город всех Царя, / о Которой славное и достойное внимания ясно сказано, / радуйся, гора не рассекаемая, глубина неизмеримая. |
| И ныне: Пространное селение Слова, радуйся Пречистая, / сосуде, Божественный бисер произведшая. / Радуйся, всечудное всех к Богу примирение, / блажащих Тя Богородице всегда. | И ныне: Пространная скиния Слова, / радуйся, Пречистая, / раковина, Божественный Жемчуг произведшая; / радуйся, Всечудная, с Богом примирение / всех, Тебя, Богородица, / блаженной именующих всегда. |
| Пресвятая Богородице, спаси нас. | Пресвятая Богородица, спаси нас. |
| Чертоже Слова нескверный, вина всех обожения, / радуйся Пречистая, пророков оглашение: / радуйся, апостолов удобрение. | Чертог Слова непорочный, / Виновница обожения всех, / радуйся, Всечистая, о Которой слышали пророки, / радуйся, Апостолов украшение. |
| Пресвятая Богородице, спаси нас. | Пресвятая Богородица, спаси нас. |
| От Тебе роса укану, пламень многобожия угасившая. / Тем вопием Ти: / радуйся, руно одушевленное, еже Гедеон, Дево, предвиде. | От Тебе роса ниспала, / пламя многобожия угасившая, / потому взываем Тебе: / “Радуйся, Дева, руно орошенное, / которое Гедеон прежде видел!” |
| Слава: Се Тебе [Дево] радуйся, зовем: / пристанище нам буди влающимся, / и отишие в пучине скорбей, / и соблазнов всех борителя. | Слава: Вот, мы Тебе “Радуйся!” возглашаем; / пристанью стань для нас, в море плавающих, / и опорой в пучине скорбей / и соблазнов всеобщего противника. |
| И ныне: Радости вина, облагодати наш помысл, еже звати Тебе: / радуйся неопалимая купино, облаче всесветлый, / верныя непрестанно осеняющий. | И ныне: Радости Виновница, облагодатствуй наш разум, / чтобы мы возглашали Тебе: / “Радуйся, не сгорающий терновый куст, облако пресветлое, / верных непрестанно осеняющее!” |
| Кондак 1: Взбранной Воеводе победительная, / яко избавльшеся от злых, / благодарственная восписуем Ти раби Твои, Богородице, / но яко имущая державу непобедимую, / от всяких нас бед свободи, да зовем Ти: / радуйся, Невесто Неневестная. | Кондак 1: Обороняющей нас Военачальнице / за избавление от страшных бед / учреждаем Тебе торжества победы благодарственные / мы, рабы Твои, Богородица! / Но Ты, как имеющая власть необоримую, / от всяческих опасностей нас освободи, / да взываем Тебе: / “Радуйся, Невеста, брака не познавшая!” |
| Икос 1: Ангел предстатель с небесе послан бысть рещи Богородице: радуйся, / и со безплотным гласом воплощаема Тя зря, Господи, ужасашеся / и стояше, зовый к Ней таковая: | Икос 1: Ангел-предводитель послан был с небес / сказать Богородице: “Радуйся!” / И, созерцая Тебя, Господи, / при этом бесплотном возгласе воплощающимся, изумлялся, / и стоял, так к Ней возглашая: |
| Радуйся, Еюже рaдocть возсияет; / радуйся, Еюже клятва изчезнет. | Радуйся, ибо чрез Тебя радость воссияет; / радуйся, ибо чрез Тебя проклятие исчезнет. |
| Радуйся, падшаго Адама воззвание; / радуйся, слез Евиных избавление. | Радуйся, падшего Адама призвание к спасению; / радуйся, Евы от слез избавление. |
| Радуйся, высото неудобовосходимая человеческими помыслы; / радуйся, глубино неудобозримая и ангельскима очима. | Радуйся, высота, недосягаемая для мыслей человеческих; / радуйся, глубина, непроницаемая и для ангельских очей. |
| Радуйся, яко еси Царево седалище; / радуйся, яко носиши Носящаго вся. | Радуйся, ибо Ты – седалище Царя; / радуйся, ибо Ты носишь Носящего все. |
| Радуйся, звездо, являющая Солнце; / радуйся, утробо Божественнаго воплощения. | Радуйся, звезда являющая Солнце; / радуйся, чрево Божественного воплощения. |
| Радуйся, Еюже обновляется тварь; / радуйся, Еюже покланяемся Творцу. | Радуйся, ибо Тобою обновляется творение; / радуйся, ибо в Тебе Младенцем становится Творец. |
| Радуйся, Невесто Неневестная. | Радуйся, Невеста, брака не познавшая. |
| Кондак 2: Видящи Святая Себе в чистоте, / глаголет Гавриилу дерзостно: / преславное твоего гласа неудобоприятельно души Моей является: / безсеменнаго бо зачатия рождество како глаголеши, зовый: / Аллилуия. | Кондак 2: Святая, видя Себя в чистоте, / говорит Гавриилу дерзновенно: / “Странное слово твое неприемлемым душе моей представляется; / ибо как ты говоришь о чревоношении / от бессеменного зачатия, восклицая: / Аллилуиа!” |
| Икос 2: Разум недоразумеваемый разумети Дева ищущи, / возопи к служащему: / из боку чисту, Сыну како есть родитися мощно, рцы Ми? / К Нейже он рече со страхом, обаче зовый сице: | Икос 2: Познать недоступное познанию ища, / Дева воскликнула, обращаясь к служителю таинства: / “Из чистых недр / как возможно родиться Сыну, скажи Мне?” / Тот же ответил Ей со страхом, но все же так возглашая: |
| Радуйся, совета неизреченнаго таиннице; / радуйся, молчания просящих веро. | Радуйся, тайны замысла неизреченного Служительница; / радуйся, дел, молчания требующих, верность. |
| Радуйся, чудес Христовых начало; / радуйся, велений Его главизно. | Радуйся, чудес Христовых начало; / радуйся, догматов о Нем основа. |
| Радуйся, лествице небесная, Еюже сниде Бог; / радуйся, мосте, преводяй сущих от земли на небо. | Радуйся, лестница небесная, по которой сошел Бог; / радуйся, мост, переводящий тех, кто от земли, на небо. |
| Радуйся, Ангелов многословущее чудо; / радуйся, бесов многоплачевное поражение. | Радуйся, много славимое Ангелами чудо; / радуйся, многоплачевное бесов поражение. |
| Радуйся, Свет неизреченно родившая; / радуйся, еже како, ни единаго же научившая. | Радуйся, Свет неизъяснимо родившая; / радуйся, никому как то было не открывшая. |
| Радуйся, премудрых превосходящая разум; / радуйся, верных озаряющая смыслы. | Радуйся, превышающая познание мудрых; / радуйся, озаряющая мысли верных. |
| Радуйся, Невесто Неневестная. | Радуйся, Невеста, брака не познавшая. |
| Кондак 3: Сила Вышняго осени тогда к зачатию Браконеискусную, / и благоплодная Тоя ложесна, яко село показа сладкое, / всем хотящим жати спасение, всегда пети сице: / Аллилуия. | Кондак 3: Сила Всевышнего тогда / осенила к зачатию брака не познавшую / и плодоносное чрево Ее / как бы нивой явила сладостной / для всех, желающих пожинать спасение, / воспевая так: / Аллилуиа! |
| Икос 3: Имущи Богоприятную Дева утробу, востече ко Елисавети; / младенец же оноя абие познав Сея целование, радовашеся, / и играньми яко песньми вопияше к Богородице: | Икос 3: Имея чрево, Бога принявшее, / поспешила Дева к Елисавете; / младенец же той, тотчас узнав Ее приветствие, / радовался, и взыграниями, как бы песнями, взывал к Богородице: |
| Радуйся, отрасли неувядаемыя розго; / радуйся, Плода безсмертнаго стяжание. | Радуйся, Ростка неувядаемого ветвь; / радуйся, Плода бессмертного удел. |
| Радуйся, Делателя делающая человеколюбца; / радуйся, Садителя жизни нашея рождшая. | Радуйся, возделывающая Земледельца человеколюбивого; / радуйся, Насадителя жизни нашей рождающая. |
| Радуйся, ниво, растящая гобзование щедрот; / радуйся, трапезо, носящая обилие очищений. | Радуйся, нива, растящая сострадания богатый урожай; / радуйся, трапеза, носящая обилие умилостивления. |
| Радуйся, яко рай пищный процветаеши; / радуйся, яко пристанище душам готовиши. | Радуйся, ибо Ты лугу роскошному расцвести даешь; / радуйся, ибо Ты пристанище для душ готовишь. |
| Радуйся, приятное молитвы кадило; / радуйся, всего мира очищение. | Радуйся, ходатайства приятный фимиам; / радуйся, всего мира искупление. |
| Радуйся, Божие к смертным благоволение; / радуйся, смертных к Богу дерзновение. | Радуйся, Божие к смертным благоволение; / радуйся, смертных перед Богом дерзновение. |
| Радуйся, Невесто Неневестная. | Радуйся, Невеста, брака не познавшая. |
| Кондак 4: Бурю внутрь имея помышлений сумнительных, / целомудренный Иосиф смятеся, к Тебе зря небрачней, / и бракоокрадованную помышляя, Непорочная; / уведев же Твое зачатие от Духа Свята, рече: / Аллилуия. | Кондак 4: Бурю имея в себе мыслей сомнительных, / целомудренный Иосиф пришел в смущение, / смотря на Тебя, безбрачную и подозревая, / что нарушила чистоту, Ты, Непорочная; / узнав же о зачатии Твоем от Духа Святого, возгласил: / Аллилуиа! |
| Икос 4: Слышаша пастырие Ангелов поющих плотское Христово пришествие, / и текше яко к Пастырю видят Сего яко агнца непорочна, / во чреве Мариине упасшася, Юже поюще реша: | Икос 4: Услышали пастухи Ангелов, воспевавших / Христа во плоти пришествие, / и, поспешив к Нему, как к Пастырю, / видят Его, как Агнца непорочного, / во чреве Марии взращенного; / воспевая Ее, они воскликнули: |
| Радуйся, Агнца и Пастыря Мати; / радуйся, дворе словесных овец. | Радуйся, Агнца и Пастыря Матерь; / радуйся, двор разумных овец. |
| Радуйся, невидимых врагов мучение; / радуйся, райских дверей отверзение. | Радуйся, от невидимых врагов защита; / радуйся, ключ, двери рая отверзающий. |
| Радуйся, яко небесная срадуются земным; / радуйся, яко земная сликовствуют небесным. | Радуйся, ибо все небесное красуется вместе с землей; / радуйся, ибо все земное ликует вместе с небесами. |
| Радуйся, апостолов немолчная уста; / радуйся, страстотерпцев непобедимая дерзосте. | Радуйся, Апостолов неумолкающие уста; / радуйся, мучеников непобедимое дерзновение. |
| Радуйся, твердое веры утверждение; / радуйся, светлое благодати познание. | Радуйся, твердое веры основание; / радуйся, ясное благодати познание. |
| Радуйся, Еюже обнажися ад; / радуйся, Еюже облекохомся славою. | Радуйся, ибо чрез Тебя обнажился ад; / радуйся, ибо чрез Тебя мы облеклись славою. |
| Радуйся, Невесто Неневестная. | Радуйся, Невеста, брака не познавшая. |
| Кондак 5: Боготечную звезду узревше волсви, тоя последоваша зари, / и яко светильник держаще ю, тою испытаху крепкаго Царя, / и достигше Непостижимаго, возрадовашася, Ему вопиюще: / Аллилуия. | Кондак 5: Богом движимую звезду увидев, волхвы / последовали за ее сиянием / и, как светильник держа ее, / с нею искали могучего Царя; / и, достигнув Недостижимого, / возрадовались, возглашая Ему: / Аллилуиа! |
| Икос 5: Видеша отроцы халдейстии на руку Девичу Создавшаго руками человеки, / и Владыку разумевающе Его, аще и рабий прият зрак, / потщашася дарми послужити Ему, и возопити Благословенней: | Икос 5: Увидели сыны Халдеев / на руках Девы Создавшего людей Своей рукою, / и Владыку постигнув в Нем, / хотя и принял Он образ раба, / поспешили дарами почтить Его / и возгласить Благословенной: |
| Радуйся, звезды незаходимыя Мати; / радуйся, заре таинственнаго дне. | Радуйся, Звезды незаходящей Матерь; / радуйся, заря таинственного дня. |
| Радуйся, прелести пещь угасившая; / радуйся, Троицы таинники просвещающая. | Радуйся, печь обмана угасившая; / радуйся, служителей таин Троицы просвещающая. |
| Радуйся, мучителя безчеловечнаго изметающая от начальства; / радуйся, Господа человеколюбца показавшая Христа. | Радуйся, тирана бесчеловечного лишившая власти; / радуйся, явившая Владыку человеколюбивого – Христа. |
| Радуйся, варварскаго избавляющая служения; / радуйся, тимения изымающая дел. | Радуйся, освобождающая от варварских обрядов; / радуйся, извлекающая из нечистых дел. |
| Радуйся, огня поклонение угасившая; / радуйся, пламене страстей изменяющая. | Радуйся, огню поклонение прекратившая; / радуйся, от пламени страстей избавляющая. |
| Радуйся, верных наставнице целомудрия; / радуйся, всех родов веселие. | Радуйся, ведущая верных к целомудрию; / радуйся, всех поколений радость. |
| Радуйся, Невесто Неневестная. | Радуйся, Невеста, брака не познавшая. |
| Кондак 6: Проповедницы богоноснии, бывше волсви, / возвратишася в Вавилон, скончавше Твое пророчество, / и проповедавше Тя Христа всем, / оставиша Ирода яко буесловяща, не ведуща пети: / Аллилуия. | Кондак 6: Провозвестниками Боговдохновенными сделавшись, волхвы / возвратились в Вавилон, / исполнив о Тебе предсказанное, / и проповедав Тебя всем, как Христа, / оставили Ирода, как пустослова, / не ведавшего песни: / Аллилуия! |
| Икос 6: Возсиявый во Египте просвещение истины, отгнал еси лжи тьму: / идоли бо его, Спасе, не терпяще Твоея крепости, падоша, / сих же избавльшиися вопияху к Богородице: | Икос 6: Воссияв в Египте светом истины, / разогнал Ты лжи тьму; / ибо идолы его, Спаситель, / не вынеся силы Твоей пали, / а от них избавленные взывали Богородице: |
| Радуйся, исправление человеков; / радуйся, низпадение бесов. | Радуйся, людей восстановление; / радуйся, бесов низвержение. |
| Радуйся, прелести державу поправшая; / радуйся, идольскую лесть обличившая. | Радуйся, обольщение лжи поправшая; / радуйся, обман идолопоклонства обличившая. |
| Радуйся, море, потопившее фараона мысленнаго; / радуйся, каменю, напоивший жаждущия жизни. | Радуйся, море, потопившее фараона невещественного; / радуйся, скала, напоившая жаждущих жизни. |
| Радуйся, огненный столпе, наставляяй сущия во тьме; / радуйся, покрове миру, ширший облака. | Радуйся, огненный столп, направляющий находящихся во тьме; / радуйся, покров миру, пространнейший облака. |
| Радуйся, пище, манны приемнице; / радуйся, сладости святыя служительнице. | Радуйся, пища, манну сменившая; / радуйся, наслаждения святого Служительница. |
| Радуйся, земле обетования; / радуйся, из неяже течет мед и млеко. | Радуйся, земля обетования; / радуйся, страна, из которой течет мед и молоко. |
| Радуйся, Невесто Неневестная. | Радуйся, Невеста, брака не познавшая. |
| Кондак 7: Хотящу Симеону от нынешняго века преставитися прелестнаго, / вдался еси яко младенец тому, / но познался еси ему и Бог совершенный. / Темже удивися Твоей неизреченней премудрости, зовый: / Аллилуия. | Кондак 7: Когда Симеону предстояло / переселиться из обманчивого века нынешнего, / Ты был дан как Младенец ему, / но был познан им и как Бог совершенный. / Потому он поразился Твоей неизреченной премудрости, восклицая: / Аллилуиа! |
| Икос 7: Новую показа тварь, / явлься Зиждитель нам от Него бывшим, / из безсеменныя прозяб утробы, / и сохранив Ю, якоже бе, нетленну, / да чудо видяще, воспоем Ю, вопиюще: | Икос 7: Небывалое дело показал / Творец, явившийся нам, Им сотворенным, / произросши без семени из чрева Девы / и сохранив Ее, как и была Она, неповрежденной, / чтобы, видя чудо, мы Ее воспели, возглашая: |
| Радуйся, цвете нетления; / радуйся, венче воздержания. | Радуйся, цвет нетления; / радуйся, венец воздержания. |
| Радуйся, воскресения образ облистающая; / радуйся, ангельское житие являющая. | Радуйся, сияние воскресения отображающая; / радуйся, жизнь ангельскую являющая. |
| Радуйся, древо светлоплодовитое, от негоже питаются вернии; / радуйся, древо благосеннолиственное, имже покрываются мнози. | Радуйся, дерево с прекрасными плодами, от которого питаются верные; / радуйся, дерево с тенистою листвою, под которым укрываются многие. |
| Радуйся, во чреве носящая Избавителя плененным; / радуйся, рождшая Наставника заблуждшим. | Радуйся, носившая во чреве Искупителя плененных; / радуйся, родившая Путеводителя заблудших. |
| Радуйся, Судии праведнаго умоление; / радуйся, многих согрешений прощение. | Радуйся, Судии праведного умилостивление; / радуйся, многих согрешений прощение. |
| Радуйся, одеждо нагих дерзновения; / радуйся, любы, всякое желание побеждающая. | Радуйся, одежда для лишенных дерзновения; / радуйся, любовь, всякое желание превосходящая. |
| Радуйся, Невесто Неневестная. | Радуйся, Невеста, брака не познавшая. |
| Кондак 8: Странное рождество видевше, / устранимся мира, ум на небеса преложше: / сего бо ради высокий Бог на земли явися смиренный человек, / хотяй привлещи к высоте Тому вопиющия: / Аллилуия. | Кондак 8: Необычайное рождение увидев, / устранимся от мира, / ум устремив на небо. / Ибо для того всевышний Бог / явился на земле как смиренный человек, / желая привлечь к высоте / восклицающих Ему: / Аллилуиа! |
| Икос 8: Весь бе в нижних / и вышних никакоже отступи неописанное Слово: / снизхождение бо Божественное, / не прехождение же местное бысть, / и рождество от Девы Богоприятныя, слышащия сия: | Икос 8: Все было в странах дольних, / и нисколько горних не оставило Беспредельное Слово; / ибо сошествие Божественное, / но не перемена места произошло, / и рождение от Девы, Бога принявшей, / слышащей от нас такие слова: |
| Радуйся, Бога невместимаго вместилище; / радуйся, честнаго таинства двери. | Радуйся, Бога невместимого обитель; / радуйся, священного таинства дверь. |
| Радуйся, неверных сумнительное слышание; / радуйся, верных известная похвало. | Радуйся, для неверных сомнительное известие; / радуйся, для верных несомненная похвала. |
| Радуйся, колеснице пресвятая Сущаго на Херувимех; / радуйся, селение преславное Сущаго на Серафимех. | Радуйся, колесница пресвятая Восседающего на Херувимах; / радуйся, жилище прекраснейшее Восседающего на Серафимах. |
| Радуйся, противная в тожде собравшая; / радуйся, девство и рождество сочетавшая. | Радуйся, противоположное воедино собравшая; / радуйся, девство и рождение сочетавшая. |
| Радуйся, Еюже разрешися преступление; / радуйся, Еюже отверзеся рай. | Радуйся, ибо через Тебя заглажено преступление; / радуйся, ибо через Тебя открылся рай. |
| Радуйся, ключу Царствия Христова; / радуйся, надеждо благ вечных. | Радуйся, ключ Царства Христова; / радуйся, надежда на блага вечные. |
| Радуйся, Невесто Неневестная. | Радуйся, Невеста, брака не познавшая. |
| Кондак 9: Всякое естество ангельское удивися великому Твоего вочеловечения делу; / неприступнаго бо яко Бога, зряще всем приступнаго Человека, / нам убо спребывающа, слышаща же от всех: / Аллилуия. | Кондак 9: Весь мiр Ангельский поразился / великому Твоего вочеловечения делу; / ибо Того, Кто как Бог неприступен, / созерцал он всем доступным человеком, / с нами пребывающим / и слышащим от всех: / Аллилуиа! |
| Икос 9: Ветия многовещанныя, яко рыбы безгласныя видим о Тебе, Богородице, / недоумевают бо глаголати, / еже како и Дева пребываеши, и родити возмогла еси. / Мы же, таинству дивящеся, верно вопием: | Икос 9: Витий громогласных как рыбы безгласными / мы видим пред Тобой, Богородица, / ибо они не в силах объяснить, / как Ты и девою пребываешь, и смогла родить. / Мы же, дивясь этой тайне, с верою восклицаем: |
| Радуйся, премудрости Божия приятелище; / радуйся, промышления Его сокровище. | Радуйся, Премудрости Божией вместилище; / радуйся, промысла Его сокровищница. |
| Радуйся, любомудрыя немудрыя являющая; / радуйся, хитрословесныя безсловесныя обличающая. | Радуйся, философов неумными являющая; / радуйся, искусных в слове в неразумии обличающая. |
| Радуйся, яко обуяша лютии взыскателе; / радуйся, яко увядоша баснотворцы. | Радуйся, ибо обезумели ловкие совопросники; / радуйся, ибо увяли сочинители сказаний. |
| Радуйся, афинейская плетения растерзающая; / радуйся, рыбарския мрежи исполняющая. | Радуйся, хитросплетения афинян расторгающая; / радуйся, сети рыбаков наполняющая. |
| Радуйся, из глубины неведения извлачающая; / радуйся, многи в разуме просвещающая. | Радуйся, из глубины неведения извлекающая; / радуйся, многих в познании просвещающая. |
| Радуйся, кораблю хотящих спастися; / радуйся, пристанище житейских плаваний. | Радуйся, корабль для желающих спастись; / радуйся, пристань для пловцов по морю жизни. |
| Радуйся, Невесто Неневестная. | Радуйся, Невеста, брака не познавшая. |
| Кондак 10: Спасти хотя мир, Иже всех Украситель, / к сему самообетован прииде, и Пастырь сый, яко Бог, / нас ради явися по нам человек: / подобным бо подобное призвав, яко Бог слышит: / Аллилуия. | Кондак 10: Желая спасти мiр, всего Устроитель / пришел к нему по Собственному обещанию; / и, будучи пастырем, как Бог, / ради нас явился человеком, как и мы; / ибо подобным подобное к Себе призвав, / Он, как Бог, от всех слышит: / Аллилуиа! |
| Икос 10: Стена еси девам, Богородице Дево, и всем к Тебе прибегающим: / ибо небесе и земли Творец устрои Тя, Пречистая, вселься во утробе Твоей, / и вся приглашати Тебе научи: | Икос 10: Ты – стена девам, Богородица Дева, / и всем к Тебе прибегающим. / Ибо неба и земли Творец воздвиг Тебя, Пречистая, / поселившись во чреве Твоем / и всех возглашать Тебе научив: |
| Радуйся, столпе девства; / радуйся, дверь спасения. | Радуйся, столп девства; / радуйся, врата спасения. |
| Радуйся, начальнице мысленнаго наздания; / радуйся, подательнице Божественныя благости. | Радуйся, Предводительница духовного воссоздания; / радуйся, Подательница Божественной благости. |
| Радуйся, Ты бо обновила еси зачатыя студно; / радуйся, Ты бо наказала еси окраденныя умом. | Радуйся, ибо Ты обновила зачатых постыдно; / радуйся, ибо Ты вразумила лишенных разума. |
| Радуйся, тлителя смыслов упраждняющая; / радуйся, Сеятеля чистоты рождшая. | Радуйся, развратителя мыслей устраняющая; / радуйся, Сеятеля чистоты родившая. |
| Радуйся, чертоже безсеменнаго уневещения; / радуйся, верных Господеви сочетавшая. | Радуйся, чертог бессеменного брака; / радуйся, верных с Господом сочетающая. |
| Радуйся, добрая младопитательнице девам; / радуйся, невестокрасительнице душ святых. | Радуйся, прекрасная воспитательница дев; / радуйся, одевающая как невест святые души. |
| Радуйся, Невесто Неневестная. | Радуйся, Невеста, брака не познавшая. |
| Кондак 11: Пение всякое побеждается, / спростретися тщащееся ко множеству многих щедрот Твоих: / равночисленныя бо песка песни аще приносим Ти, Царю святый, / ничтоже совершаем достойно, / яже дал еси нам, Тебе вопиющим: / Аллилуия. | Кондак 11: Всякое песнопение изнемогает, / стремясь расшириться в меру множества / обильных милостей Твоих; / ибо, если бы песни, равночисленные песку, / мы стали приносить Тебе, Царь Святой, / не совершили бы ничего достойного того, / что Ты дал нам, Тебе взывающим: / Аллилуиа! |
| Икос 11: Светоприемную свещу, сущим во тьме явльшуюся, зрим святую Деву, / невещественный бо вжигающи огнь, / наставляет к разуму Божественному вся, / зарею ум просвещающая, званием же почитаемая, сими: | Икос 11: Светоносную свечу, / пребывающим во тьме явившуюся, / видим мы во Святой Деве; / ибо, возжигая невещественный Свет, / Она ведет к познанию Божественному всех, / как заря, ум освещая, / и чествуется таким воззванием: |
| Радуйся, луче умнаго Солнца; / радуйся, светило незаходимаго Света. | Радуйся, луч духовного Солнца; / радуйся, блистание незаходящего Света. |
| Радуйся, молние, души просвещающая; / радуйся, яко гром, враги устрашающая. | Радуйся, молния, души озаряющая; / радуйся, как гром, врагов поражающая. |
| Радуйся, яко многосветлое возсияваеши просвещение; / радуйся, яко многотекущую источаеши реку. | Радуйся, ибо Ты излучаешь светозарное сияние; / радуйся, ибо Ты изливаешь многоводную реку. |
| Радуйся, купели живописующая образ; / радуйся, греховную отъемлющая скверну. | Радуйся, живописующая купели образ; / радуйся, греховную удаляющая скверну. |
| Радуйся, бане, омывающая совесть; / радуйся, чаше, черплющая рaдocть. | Радуйся, купальня, омывающая совесть; / радуйся, чаша, вмещающая радость. |
| Радуйся, обоняние Христова благоухания; / радуйся, животе тайнаго веселия. | Радуйся, аромат Христова благоухания; / радуйся, жизнь таинственного пира. |
| Радуйся, Невесто Неневестная. | Радуйся, Невеста, брака не познавшая. |
| Кондак 12: Благодать дати восхотев, долгов древних, / всех долгов Решитель человеком, / прииде Собою ко отшедшим Того благодати, и раздрав рукописание, / слышит от всех сице: / Аллилуия. | Кондак 12: Благодать даровать восхотев / прощения долгов древних, / долгов всех людей Разрешитель / Сам пришел к удалившимся от Его благодати, / и, долговую расписку разорвав, / от всех слышит: / Аллилуия! |
| Икос 12: Поюще Твое Рождество, хвалим Тя вси, / яко одушевленный храм, Богородице: / во Твоей бо вселився утробе содержай вся рукою Господь, / освяти, прослави и научи вопити Тебе всех: | Икос 12: Воспевая рождение Тобою Христа, / мы все восхваляем Тебя / как одушевленный храм, Богородица; / ибо во чрево Твое вселившись, / все держащий Своею рукою Господь, / освятил Тебя, прославил / и научил всех взывать к Тебе: |
| Радуйся, селение Бога и Слова; / радуйся, святая святых большая. | Радуйся, скиния Бога и Слова; / радуйся, Святого Святых большая. |
| Радуйся, ковчеже, позлащенный Духом; / радуйся, сокровище живота неистощимое. | Радуйся, ковчег, позлащенный Духом; / радуйся, сокровище жизни неистощимое. |
| Радуйся, честный венче царей благочестивых; / радуйся, честная похвало иереев благоговейных. | Радуйся, драгоценный венец царей благочестивых; / радуйся, священная хвала иереев благоговейных. |
| Радуйся, Церкве непоколебимый столпе; / радуйся, Царствия нерушимая стено. | Радуйся, Церкви непоколебимая твердыня; / радуйся, царства нерушимая стена. |
| Радуйся, Еюже воздвижутся победы; / радуйся, Еюже низпадают врази. | Радуйся, ибо благодаря Тебе возносятся трофеи; / радуйся, ибо благодаря Тебе ниспровергаются враги. |
| Радуйся, тела моего врачевание; / радуйся, души моея спасение. | Радуйся, тела моего врачевание; / радуйся, души моей спасение. |
| Радуйся, Невесто Неневестная. | Радуйся, Невеста, брака не познавшая. |
| Кондак 13: О, Всепетая Мати, рождшая всех святых Святейшее Слово! / Нынешнее приемши приношение, от всякия избави напасти всех, / и будущия изми муки, о Тебе вопиющих: / Аллилуия. | Кондак 13: О, всепрославленная Матерь, / родившая всех святых святейшее Слово! / Приняв нынешнее приношение, / избавь от всякого несчастья всех / и освободи от будущего наказания / вместе взывающих (к Тебе): / Аллилуиа! |
| Сей кондак глаголи Трижды. | Этот кондак повторяй трижды. |
| И паки чтется 1‑й икос: Ангел предстатель с небесе послан бысть рещи Богородице: радуйся, / и со безплотным гласом воплощаема Тя зря, Господи, ужасашеся / и стояше, зовый к Ней таковая: | Затем читается 1‑й икос: Ангел-предводитель послан был с небес / сказать Богородице: “Радуйся!” / И, созерцая Тебя, Господи, / при этом бесплотном возгласе воплощающимся, изумлялся, / и стоял, так к Ней возглашая: |
| Радуйся, Еюже рaдocть возсияет; / радуйся, Еюже клятва изчезнет. | Радуйся, ибо чрез Тебя радость воссияет; / радуйся, ибо чрез Тебя проклятие исчезнет. |
| Радуйся, падшаго Адама воззвание; / радуйся, слез Евиных избавление. | Радуйся, падшего Адама призвание к спасению; / радуйся, Евы от слез избавление. |
| Радуйся, высото неудобовосходимая человеческими помыслы; / радуйся, глубино неудобозримая и ангельскима очима. | Радуйся, высота, недосягаемая для мыслей человеческих; / радуйся, глубина, непроницаемая и для ангельских очей. |
| Радуйся, яко еси Царево седалище; / радуйся, яко носиши Носящаго вся. | Радуйся, ибо Ты – седалище Царя; / радуйся, ибо Ты носишь Носящего все. |
| Радуйся, звездо, являющая Солнце; / радуйся, утробо Божественнаго воплощения. | Радуйся, звезда являющая Солнце; / радуйся, чрево Божественного воплощения. |
| Радуйся, Еюже обновляется тварь; / радуйся, Еюже покланяемся Творцу. | Радуйся, ибо Тобою обновляется творение; / радуйся, ибо в Тебе Младенцем становится Творец. |
| Радуйся, Невесто Неневестная. | Радуйся, Невеста, брака не познавшая. |
| И паки 1‑й кондак: Взбранной Воеводе победительная, / яко избавльшеся от злых, / благодарственная восписуем Ти раби Твои, Богородице, / но яко имущая державу непобедимую, / от всяких нас бед свободи, да зовем Ти: / радуйся, Невесто Неневестная. | И кондак 1‑й: Обороняющей нас Военачальнице / за избавление от страшных бед / учреждаем Тебе торжества победы благодарственные / мы, рабы Твои, Богородица! / Но Ты, как имеющая власть необоримую, / от всяческих опасностей нас освободи, да взываем Тебе: / “Радуйся, Невеста, брака не познавшая! |